ЗА СЛОБОДАТА АКО НЕ СИ ЗНАЕЛ
Слободата бара внимание како некој
со кого би имал деца
слободата е љубоморна од било кој
пол и да е
и ќе мораш да ја трпиш ќе мораш
да простуваш
ќе мораш да се правиш дека забораваш
бидејќи слободата има тежок карактер
не покажувај колку малку знаеш
за неа
и ти и таа сте си еднакво непознати
Окован во нејзина чест ќе воскликнуваш
и пееш пригодни зборови и песни
како нејзин роб ќе го изодиш светот
открај докрај барајќи ја кај други
за да си завидувате на поплаките
гледајќи отаде себе
понекогаш знаејќи дека слободата
каква што ја знаеш слобода не е
Ќе се поразуваш многупати сепак да се
победиш нема
додека таа те води не нарекувај се свој
додека по неа одиш имај на ум дека
за да останеш слободен
секој начин може исправен да биде
додека ја следиш и бараш пронајди се
себе
бидејќи најчесто само тоа останува
за правење
а и тоа е така така така така тешко
Iz knjige VIŠEGLASJE: Zbornik odabranih pesama 5. Evropskog Fejsbuk pesničkog festivala
Više o knjizi:
