WELTSCHMERTZ
болката е најголема кога солзите се пресушени
преминува во тага тогаш кога свикнати сме на неа
Бајрон ја измисли Weltschmertz
но Германците најдобро знаат како боли светот
пред и по секое миење раце со сапун
при влез и излез од музеј
и при секое читање на „Венецијанскиот трговец“
болката е доказ дека сме живи
болката е доказ дека сакаме да бидеме здрави
болката е доказ дека сме кадарни да чувствуваме
но таа не е доказ дека можеме да сакаме
иако и љубовта боли
и животот боли
смртта најмногу
но не ги боли тие што умираат
туку тие што остануваат живи
и здивот боли тогаш кога го испуштаме
и постоењето боли кога не сме безлични
и полот боли кога си жена
и сонот боли при несоница
затоа заспиј
болката ќе те разбуди
добро е додека ја има
Iz knjige VIŠEGLASJE: Zbornik odabranih pesama 6. Evropskog Fejsbuk pesničkog festivala
Više o knjizi:
